InicioEconomíaComeza a selección para seis novos postos de emprego en Vilalba

Comeza a selección para seis novos postos de emprego en Vilalba

En setembro, nove traballadores incorporáronse á dotación municipal de Vilalba a través do programa de emprego da Deputación

PUBLICADA O

- Advertisement -

Dende este xoves está aberto o prazo de selección para seis novos postos de emprego en Vilalba. O proceso forma parte do programa DepuEmprego, co que a Deputación de Lugo axuda na contratación de persoal para concellos de menos de 20.000 habitantes.

Os seis postos dispoñibles corresponden á categoría de peón. O requisito  indispensable para poder optar a unha destas prazas é o de estar apuntado como demandante de emprego no INEM. 

Os interesados deberán dirixirse ao INEM ou ao Concello de Vilalba para realizar os trámites de concorrencia, pois son os encargados de levar a cabo os procesos de selección dos candidatos. Máis información no Boletín Oficial da Provincia, no taboleiro de anuncios do Concello ou en www.deputacionlugo.gal, no que hai un espazo habilitado.

En setembro, Vilalba incrementou as prestacións municipais coa contratación de nove traballadores, empregando este mesmo programa da Deputación. No último ano, a autoridade provincial financiou un total de 308 postos de traballos en 66 concellos, tirando dun orzamento de 3,5 millóns de euros.

Exceptuando os grupos especiais, nos últimos anos a taxa de reposición na administración local descendeu dramaticamente. En 2007 era do cen por cen, mentres que na actualidade só un de cada dez traballadores que marcha recibe a substitución que corresponde.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...