Unha capela nun castiñeiro, esculturas e pezas de arte en madeira e bronce quedan orfas. A arte lucense está de luto tras coñecerse a noticia de que o artista Victor Corral faleceu o mércores, 15 de Nadal, tras non superar os problemas pulmonares que padecía. Tiña 84 anos e faleceu no Hospital Universitario Lucus Augusti.
O artista lucense comezou a facer esculturas dende pequeno, realizou estudos primarios e traballou no campo. Tras dous anos na Coruña e outros dous en Barcelona, foi nesta última cidade onde fixo as súas primeiras exposicións.
Sen embargo, o escultor volveu a súa terra, Baamonde, onde construíu a súa “Casa Museo” que estaba composta por esculturas de pedra e bronce no seu xardín e de bronce e madeira no seu interior. Tamén se destaca a capela feita por él no interior dun castiñeiro.
Non foron poucos os recoñecementos que recibiu Victor Corral. No ano 2015 foi proclamado Fillo Predilecto do Concello de Begonte e cinco días antes do seu falecemento foi homenaxeado en Vilalba pola Asociación Cultural Xermolos, de Guitiriz e pola Irmandade Manuel María, que lle adicaron un tramo do Paseo dos Soños, xunto ao río Magdalena.
