Unha persoa foi trasladada ao Hospital Lucus Augusti tras sufrir unha saída de vía co seu vehículo e caer por un terraplén dun tres metros na N-V, en Guitiriz.
Os feitos tiveron lugar pasadas as 5,30 horas deste luns, cando un particular alertou do accidente. Posteriormente, o 112 Galicia pasou a información ao 061, á Garda Civil de Tráfico, aos Bombeiros de Vilalba e aos membros de Protección Civil da localidade lucense. Tamén puxo a situación en coñecemento do Centro de Xestión de Tráfico e o persoal de mantemento da vía.
Por outra banda, un motorista resultou ferido despois de impactar contra un coche na LU-533, en Tarrío, en Chantada pasadas as 19,30 horas deste domingo.
Tras ser alertado do sinistro, o 112 Galicia facilitou os datos correspondentes ao persoal sanitario, á Garda Civil de Tráfico e á Policía Local, así como aos Bombeiros e os membros de Protección Civil de Chantada e o persoal de mantemento de estradas. Finalmente, os bombeiros desprazados ao lugar confirmaron que se trasladou a unha persoa ao Hospital de Monforte.
