O presidente da Deputación de Lugo, José Tomé, e o secretario da Fundación Campus Universitario de Lugo, Jaime Luís López Vázquez, renovaron o convenio para o financiamento dos gastos derivados do master ‘Dirección de Persoas Paulo Fabio’, que conta cunha achega de preto de 12.000 euros por parte da institución provincial.

Esta proposta impártese na Escola de Relacións Laborais e permite dotar o alumnado de competencias en Dirección de Recursos Humanos. A oferta está dirixida especificamente a titulados universitarios e alumnos matriculados en 3º Grao que queiran completar os seus estudos.

Tomé enmarcou esta colaboración no “compromiso” da institución en materia educativa como “o mellor investimento de futuro” e na liña de promover “Lugo como un destino universitario”.