Javi López, primeiro adestrador do Club Deportivo Lugo, compareceu en rolda de prensa despois da derrota lucense contra o Málaga C.F. (1-2).
López afirmou que o equipo xogou “unha moi, moi boa primeira parte e a segunda foi máis igualada, máis competida“. “O equipo encantoume”, asegurou. Subliñou que houbo unha “acción importante” na ocasión de Cristian Herrera e Juan Muñiz para o posible 2-0 no minuto 53. “Non merecimos para nada perder“, resumiu o adestrador barcelonés. Considera que “en xogo” estiveron “moi ben”, traballaron “moi ben en defensa” e as ocasións do Málaga, segundo el, foron “case todas a balón parado”, onde teñen “xente moi corpulenta, moi grande, dominan esa faceta” e gustaríalle ser “máis resolutivo”.
López confirmou que Jona Mejía e Carlos Pita foron sustituidos por “problemas físicos“.
O mediocentro Ramón Azeez non foi convocado. “É un caso especial. Os que estaban eran os que tiñan que estar“, contestou. Azeez chegou unha semana tarde á pretempada e, ademáis, podería ser traspasado.
Por último, lembrou que o Lugo é un equipo que acostuma a “ter ao porteiro como alguén máis que xoga cos pés”.
