- Advertisement -
O Sergas notifica 207 casos activos de coronavirus na área sanitaria de Lugo, catro máis ca na xornada anterior. Nas últimas 24 horas detectáronse 16 novos positivos, o que supón un aumento respecto do día antes, no que só se confirmaran catro.
Nos hospitais da provincia hai 11 persoas ingresadas con coronavirus: catro na Uci do HULA e sete en planta (tres no Hula, dúas na Mariña e outras dúas en Monforte).
Dende o inicio da pandemia cóntanse 212 vítimas mortais da Covid-19 en Lugo, 11.887 persoas curadas e 218.332 probas PCR efectuadas.
