A área sanitaria de Lugo rexistra este martes 20 de abril un total de 203 casos activos de coronavirus, dous menos ca na xornada anterior. Nas últimas 24 horas só se confirmaron catro novos positivos a través de PCR.
Porén, a presión hospitalaria aumentou lixeiramente, ao pasar de 11 a 12 ingresados. Deles, catro están na Uci do Hula (+1) e os outros oito están repartidos nas plantas dos tres hospitais (4 no Hula, 3 na Mariña, 1 en Monforte).
Dende o inicio da pandemia, o Sergas notificou o falecemento de 212 persoas diagnosticadas de Covid na área lucense. Curáronse 11.872 e realizáronse 217.476 probas PCR.
GALICIA
No conxunto galego, experiméntase unha lixeira baixada de casos activos logo de once días consecutivos de incrementos. Podes ler a información completa no Galicia Confidencial.
