EFE | Axentes da Policía Local de Lugo estableceron un dispositivo especial de seguridade coa participación de vehículos camuflados para tratar de “combater a práctica ilegal” dos “aparcacoches”, coñecidos popularmente como ‘gorrillas‘, nas inmediacións do Hospital Universitario Lucus Augusti (HULA).
Nese dispositivo de seguridade participaron axentes da Unidade e Territorial de Policía de Barrio, que sorprenderon a sete persoas cando se dedicaban “a esa práctica” no medio da calzada, indicándolles os “estacionamentos libres aos condutores”. Segundo informou a Policía Local, chegaron a poñer “en risco a súa integridade física” e ocasionaron “molestias e prexuízos aos usuarios da vía”.
Todos foron denunciados por infrinxir a Ordenanza de Circulación do Concello de Lugo e a normativa de Seguridade viaria, cunha proposta de sanción de 200 euros para cada un deles.
