EFE | Axentes da Policía Local de Lugo localizaron de madrugada, mentres transitaban por unha praza da cidade a dous rapaces que fuxiron do Centro de Menores de Rábade, onde ambos estaban ingresados.
Sucedeu a iso das 02:00 horas, na Praza da Constitución de Lugo, cando unha patrulla da Policía Local viu dous mozos que ían camiñando pola vía pública. Ao ser identificados polos axentes, estes comprobaron que eran menores de idade e que ambos fuxiran do centro tutelado no que estaban internados .
Por iso, foron conducidos a dependencias da Policía Autonómica, onde se fixeron cargo deles. Ambos foron denunciados por infrinxir a Lei de Saúde de Galicia, dado que estaban na vía pública sen xustificación pasado o toque de queda, fixado para as 22:00 horas.
