InicioSociedadeA Xunta insiste na súa "reordenación educativa" en Begonte co peche dun...

A Xunta insiste na súa “reordenación educativa” en Begonte co peche dun centro en Baamonde

O conselleiro de Educación di que quere reagrupar dous centros nos que estudan 70 e 30 alumnos. O PSdeG di que é un "caso inédito" en Galicia.

PUBLICADA O

- Advertisement -

O deputado socialista Luís Álvarez, preguntoulle este mércores ao conselleiro de Educación polo peche dunha escola no municipio lucense de Begonte nun pleno do Parlamento de Galicia porque, dixo, é “un caso inédito en Galicia”. “O primeiro alcalde que quere pechar un colexio con 30 alumnos“, manifestou.

O socialista lembrou que, recentemente, este concello, cun alcalde do PP, anunciou a súa intención de pedir á Consellería de Educación a unificación do CEIP Virxe do Corpiño e Baamonde nun “único centro” para empregar as instalacións do CEIP Baamonde para a creación dun conservatorio de música profesional.

Respecto diso, Román Rodríguez asegurou que o seu departamento coñece o interese manifestado polo rexedor por “conversacións informais” e destacou que o que se expón é “unha reorganización educativa” que pasa pola reagrupación de dous centros nos que estudan 70 e 30 alumnos.

Ademais, sinalou que o conservatorio que se crearía no CEIP de Baamonde sería impulsado e desenvolvido polo propio concello. “Nós apoiariamos co recoñecemento, parécenos unha boa iniciativa“, indicou.

Tras iso pediu fuxir do “alarmismo”. “Non se expón un peche como un abandono educativo deses alumnos”, subliñou para incidir en que os centros están “a escasos minutos”. “Hai que estudalo e avalialo tendo en conta o criterio de mellorar a calidade educativa”, sostivo.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...