- Advertisement -
O total de casos activos por coronavirus na área sanitaria de Lugo volve descender e pasa a situarse en 486 (doce menos). Segundo o reconto do Sergas este luns 14 de decembro, tamén minguan os contaxios, ao confirmarse 18 casos novos a través de PCR nas últimas 24 horas.
Asemade, a cifra de hospitalizacións pasa a 27, fronte aos 26 de onte. Porén, a Unidade de Coidados Intensivos do HULA atende agora seis pacientes, cando onte eran só catro.
Por outra banda, no histórico da provincia contabilízanse 139 vítimas mortais, así como 6.013 persoas curadas. Dende o inicio da pandemia realizáronse 113.015 probas PCR na área de Lugo.
