O Club Deportivo Lugo comezará a Liga recibindo ao Málaga C.F., equipo descendido de Primeira División, no estadio Ángel Carro o fin de semana do domingo 19 de agosto. Na segunda xornada, o Lugo visitará ao Granada C.F., recibirá ao C.D. Numancia na terceira xornada e, xa na cuarta data no fin de semana do domingo nove de setembro, visitará o Wanda Metropolitano, estadio do Atlético de Madrid, para enfrontarse ao Rayo Majadahonda, que xogará nesa instalación mentres non rematen as obras de Cerro del Espino, o seu estadio.
O conxunto lucense visitará ao Real Club Deportivo da Coruña no estadio Abanca – Riazor na vixésima xornada na fin de semana do domingo seis de xaneiro. Recibirá ao Dépor no estadio Ángel Carro na trixésimo novena xornada o fin de semana do domingo 19 de maio.
Por último, rematará a Liga recibindo ao Gimnàstic de Tarragona na derradeira xornada.
