A área sanitaria de Lugo dobra o número de pacientes con coronavirus ingresados na Unidades de Coidados Intensivos, ao rexistrarse este venres seis persoas, fronte as tres de onte. Todas elas están a ser atendidas na UCI do Hospital Universitario Lucus Augusti (HULA). Ademais, outras 47 persoas están ingresadas en planta: 31 no HULA, 11 no Hospital da Mariña, e 5 en Monforte.

Ao tempo, Sanidade informa de que nas últimas 24 horas se confirmaron 42 novos casos a través de PCR, mentres que os casos activos seguen á baixa (son 1.053, once menos).

No histórico da provincia, en Lugo rexistráronse 108 falecidos dende o inicio da pandemia. Ata o momento fixéronse 89.771 probas PCR (811 no día de onte).

GALICIA

O Sergas tamén  notifica unha repunta de contaxios no conxunto da comunidade galega (625), mais os casos activos continúan en descenso. Non obstante, preocupa o aumento de ingresos en UCI (96, seis máis).