O número de municipios en alerta máxima por casos de covid volve situarse este domingo en 50 ao elevarse o grao de aviso nos concellos de Santa Comba, Ponteceso, Vilalba, O Carballiño e Verín, mentres que se rebaixa en Neda, Cangas e Moaña. Isto contrasta co feito de que as áreas sanitarias rexistraron descensos ou estabilizacións na incidencia da COVID-19.
Isto fai que na provincia de Lugo sexan xa seis os municipios en vermello, xa que, ademais de Vilalba, suma a Cervo, Lugo, Chantada, Viveiro e Burela.
A pesar disto, o número de positivos segue baixando en Galicia e tamén en toda a provincia. Así, no país baixan a 541 nun só día, o que supón un descenso con respecto a xornadas pasadas. Esta situación débese a que todas as áreas sanitarias rexistraron descensos ou estabilizacións na incidencia da COVID-19. en Lugo-A Mariña-Monforte, foron 61 os novos positivos, cun descenso de casos activos de 38 persoas.
Con todo, a área de Lugo experimenta un lixeiro incremento nos hospitalizados, que son 51, un máis dos que había no balance do sábado. Catro deles atópanse na UCI –sen cambios– e 47 noutras unidades –uno máis–.
