Cada primeiro de novembro, a feira de Santos de Monterroso é unha cita ineludible para a veciñanza da comarca. Esta celebración naceu no ano 1450 e foi declarada Festa de Interese Turístico Galego no 2011.

A pandemia provocou que este ano a vila quedara sen feira por primeira vez dende o 1918 nun exercicio de “sensatez, coherencia e responsabilidade”. Faltou o bulicio habitual, pero houbo quen quixo lembrala nas redes sociais con imaxes que se remontan máis de 60 anos atrás. Velaí unhas imaxes da Feira de Santos do 1959, emitidas no NODO e extraídas do Arquivo da Filmoteca Española.