O pívot lucense Fran Vázquez, de 35 anos e 2.09 metros de estatura, é nova fichaxe de Basket Zaragoza polas dúas vindeiras tempadas. O xogador de Chantada procede de Iberostar Tenerife. Foi o capitán da selección española nos seis partidos da fase clasificatoria para o Mundial 2019 rematados con seis vitorias e o lucense promediou 10.8 puntos, 4.8 rebotes, 1.3 asistencias e 14.5 de valoración. Na pasada tempada,
No seu palmarés, cómpre subliñar unha Copa co Unicaja Málaga en 2005. Co Barça, gañou tres Ligas ACB (2009, 2011 e 2012), tres Copas (2007, 2010 e 2011), unha Euroliga en 2010 e tres Supercopas (2009, 2010 e 2011). Xa no Iberostar Tenerife, conquistou a Basketball Champions League e a Copa Intercontinental en 2017.
Foi integrante do quinteto ideal da ACB en 2009, MVP da Copa en 2010 e líder de tapones e mates da Liga ACB 2013-2014.
Foi elixido no número 11 do draft da NBA en 2005 por Orlando Magic.
Conquistou a prata no Europeo sub 20 coa selección española en 2002.
Segundo Pep Cargol, director deportivo de Basket Zaragoza, Fran Vázquez será a “principal referencia interior” e chega “nun intre de madurez e plenitude no seu xogo”.
