Un home faleceu este venres en Pedrafita do Cebreiro despois de quedar atrapado debaixo do tractor que manexaba nunha leira no lugar de Coterces.
Segundo informou o 112 Galicia, os efectivos do GES de Becerreá e os Bombeiros de Sarria tiveron que empregar o material de excarceración para liberar ao home accidentado e que fose atendido polo persoal sanitario que, a pesar de mobilizar un helicóptero medicalizado, non puido facer nada por salvarlle a vida.
Os feitos tiveron lugar sobre as 9,10 horas deste venres e foi unha persoa particular quen contactou co 112 Galicia para alertar do accidente, indicaron as mesmas fontes. Tras ter coñecemento, por parte do CIAE 112 solicitouse a intervención de Urxencias Sanitarias de Galicia-061, dos Bombeiros de Sarria, do GES de Becerreá e da Garda Civil.
