A colisión dun camión e dúas furgonetas rexistrada na mañá deste luns na autovía A-6 ao seu paso polo termo municipal de Outeiro de Rei saldouse cunha persoa ferida.
Segundo informou o 112 Galicia, este sinistro tivo lugar sobre as 9,00 horas deste luns no quilómetro 505 da A-6 ao seu paso por Outeiro de Rei. Debido a esta colisión viuse condicionada a circulación na zona, cun carril afectado, pero non foi cortado o tráfico. Foi mobilizado persoal de limpeza de estrada dependente do Ministerio de Transportes, Mobilidade e Axenda Urbana. As mesmas fontes sinalou que o camión transportaba deterxente e unha das furgonetas, xamóns.
Como consecuencia deste accidente foron mobilizados, ademais, a Garda Civil de Tráfico, Bombeiros de Lugo e de Vilalba, así como persoal de Urxencias Sanitarias de Galicia-061.
