A Deputación de Lugo mostra o seu respaldo ás reivindicacións da Mancomunidade da Mariña en defensa dos empregos dos traballadores da planta de Alcoa de San Cibrao.

O presidente da Deputación de Lugo, José Tomé, ve positivo que o Ministerio de Industria obrigue á empresa a devolver as axudas públicas se aplica os 534 despedimentos anunciados o pasado xoves. “Se dan ese paso, polo menos, que non lles saia gratis”, sinala.Xunt

Ademais, Tomé defende que a Xunta “ten que exercer dunha vez as súas competencias exclusivas en industria para poñer solucións encima da mesa”, á vez que pide ao Goberno central que active “canto antes” o estatuto para as empresas electrointensivas.

Tomé sinala que a declaración institucional asinada polos alcaldes e representantes da Mariña está “en plena consonancia” coa postura do presidente da Deputación.