O dianteiro lucense Santi Gegunde renovou coa Sociedade Deportiva Compostela, de Terceira División, por unha tempada máis. Santi chegou ao equipo santiagués en 2016 procedente do C.D. As Pontes, polo que cumprirá a súa terceira campaña no Compostela.
Santi Gegunde, de 24 anos, marcou 19 goles nestas dúas tempadas na S.D. Compostela. Marcou 9 goles no campionato 2016-17 e 10 na edición 2017-18. Na primeira campaña xogou como dianteiro centro e na segunda como mediapunta. Cómpre subliñar o seu gol dende o medio do campo ante a S.D. Negreira no estadio San Lázaro. Tamén participou moito na elaboración do xogo e goles para os seus compañeiros.
Santi Gegunde formouse no Club Deportivo Lugo. Tamén xogou no C.D. Narón.
Por outra banda, foi recoñecido polo seu xogo limpo ao descartar marcar un gol a porta baleira pola lesión do porteiro rival no campo do Alondras C.F.
