Juan Peón é o novo adestrador do Racing Villalbés e substitúe a Óscar Gilsanz, que adestrou ao equipo chairego nas últimas catro tempadas. Peón procede da S.D. Outeiro de Rei, de Preferente Norte, onde adestrou as últimas dúas campañas conseguindo o ascenso de Primeira Autonómica a Preferente en 2017. O técnico de Rábade traballou nas categorías inferiores do Villalbés entre 2000 e 2002. Peón gañou a Copa Deputación coa S.D. Outeiro de Rei en A Madalena de Vilalba, o seu futuro estadio, o domingo 24 de xuño deste 2018.
O Villabés rematou terceiro no grupo galego de Terceira División chegando ás semifinais polo ascenso a Segunda División B.
Juan Peón foi segundo adestrador de Club Deportivo Lugo na tempada 2003-2004 e despois duns meses de parón volveu en 2004 até 2015 ininterrumpidamente conseguindo o ascenso a Segunda B en 2006, o campionato de Liga de Segunda B en 2011, o ascenso a Segunda en 2012 e tres permanencias en Segunda entre 2012 e 2015.
Antes, adestrou ao C.D. Corgo (2002-2003), na canteira do Villalbés (2000-2002), á S.D. Pol (1996-1998) e S.D. Pastoricense (1992-1994).
