Os hoteis galegos están a organizarse ante a posibilidade de converter algúns deles en hospitais e explican que xa se conta con alternativas en Lugo, Santiago, Vigo e Pontevedra, aos que proximamente se sumarán outras cidades.
E é que, a petición da Consellería de Cultura e Turismo, e en contacto coa Consellería de Sanidade, desde o Clúster de Turismo e as distintas asociacións provinciais solicitáronse datos, e séguese facendo, para tratar de determinar que hoteis poden adaptarse ás necesidades xeradas polo coronavirus.
Neste sentido, o presidente da Asociación Provincial de Empresarios de Hostalaría de Lugo, José Francisco Real, sinalou que solicitaron á Xunta unha petición por escrito, pero que no contacto telefónico realizado a distintos hoteis trasladáronlles a súa disposición a adaptarse ás necesidades que vaian xurdindo.
“É máis difícil que estean preto do hospital“, recoñeceu polo feito de que a maioría estean no centro da cidade. Con todo, manifestou que “tres ou catro” poderían formar parte da iniciativa se se considera necesario. Toda a reportaxe no Galicia Confidencial.
