- Advertisement -
Un incendio provocou a pasada noite danos materiais no piso superior dunha vivenda no municipio de Guitiriz, aínda que afortunadamente non houbo que lamentar danos persoais.
Segundo informou o Centro Integrado de Atención a Emerxencias de Galicia (CIAE), as chamas afectaron a un calefactor e ao tiro da cheminea da vivenda, ademais de provocar danos no tellado e no chan de madeira do piso superior.
Nada máis recibir a chamada de aviso, que se produciu ao redor das 22.45 horas, o 112 mobilizou aos Bombeiros de Vilalba, á Garda Civil e á agrupación de voluntarios de Protección Civil.
Os servizos de emerxencias lograron evitar que o lume se propagase a toda a casa.
