O presidente provincial mostrouse convencido de que o AVE “chegará a Lugo cando dixo o presidente do Goberno”, Pedro Sánchez. Deste xeito, Tomé respondeu ao delegado da Xunta na provincia, José Manuel Balseiro, quen este luns o negou alegando que en realidade será “unha lanzadeira” que unirá Lugo coa liña do AVE a Ourense.
“O que non vai pasar co AVE é o que di Balseiro, porque hai que lembrar que aquí está sen facer o que prometeu Feijóo fai dez anos, de que se Zapatero non traía o AVE a Lugo el faríao co orzamento da Xunta. E non o vin aínda ese AVE, o resto si vai chegar a Lugo”, suliñou.
Finalmente, o presidente da Deputación confirmou que, contrariamente ao anunciado pola súa homóloga en Pontevedra, si acudirá ao Parlamento de Galicia para presentar os orzamentos provinciais. “Irei a esa casa onde traballei o que puiden xunto cos meus compañeiros por Galicia e iremos alí a explicar a orientación que lle queremos dar aos orzamentos da Deputación”, suliñou.
