- Advertisement -
A campaña de Nadal xerará 25.600 empregos en Galicia, o que supón un crecemento do 5,5% respecto de 2018 (1.330 máis), segundo o informe de Randstad feito público este luns. Unha cifra que, di, é a máis alta nos últimos anos e supón o sétimo exercicio consecutivo de crecemento, posto que a última caída produciuse en 2012.
O avance do 5,5% na contratación en Galicia é o sétimo maior entre comunidades nun ano de subida xeneralizada, con Baleares á cabeza (+12,5%). Por provincias, Pontevedra (10.590 contratos) e A Coruña (10.540) serán as que máis emprego xerarán durante a campaña do Nadal. Con volumes máis discretos atópanse Lugo (2.720) e Ourense (1.780). Toda a información en Galicia Confidencial.
