InicioLugo e contornaLugoUn novo capítulo no retraso do auditorio: o Concello di que a...

Un novo capítulo no retraso do auditorio: o Concello di que a Xunta “non responde”

Alcaldía asegura que a conselleira Ángeles Vázquez non contestou á solicitude de convocatoria dunha mesa técnica para a recepción do edificio.

PUBLICADA O

- Advertisement -

O Concello de Lugo xustifica o retraso na apertura do auditorio alegando que a Xunta non responde a súa solicitude para convocar unha mesa técnica. Aseguran que esta xuntanza xa foi demandada varias veces; a primeira delas, hai un mes. O obxectivo é aclarar as condicións técnicas das instalacións.

O goberno local lembra que o pasado 24 de xullo enviou unha carta (por correo ordinario e electrónico) á conselleira, Ángeles Vázquez, con motivo de convocar “urxentemente” unha reunión para resolver os asuntos técnicos. É a última fase, din, antes da recepción do auditorio.

O obxectivo da xuntanza é que as persoas que designe a consellería ofrezan aos técnicos do Concello toda a información necesaria para que poidan apoiar as cuestións pendentes que fosen da súa estrita competencia. Ademais, explican que iso tamén aceleraría as verificacións e os informes necesarios para que cando se recepcionen as instalacións veñan coa totalidade de garantías incluídas no proxecto.

Tras máis de quince días sen resposta, dende alcaldía procedeuse a enviar un correo electrónico solicitando de novo que se convocase unha mesa técnica o máis pronto posible para avanzar na recepción das instalacións do novo auditorio. Sosteñen que, a día de hoxe, aínda non recibiron resposta.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...