O extremo diestro Tete Morente, despois de superar a súa lesión, é a principal novidade do Club Deportivo Lugo de 20 futbolistas para competir o domingo contra o Extremadura U.D. no estadio Francisco de la Hera ás 20 horas. Os lucenses viaxaron este mediodía cara Almendralejo. Ademais, o mediocentro canteirán Álex Rey tamén forma parte da lista, así coma o lateral dereito Gerard Valentín e o lateral esquerdo Luis Ruiz despois de cumprir sendas sancións.
O dianteiro Manu Barreiro é baixa por sanción, así coma o central zurdo “Josete” Malagón, o lateral dereito Serge Leuko e o mediapunta Antonio Campillo por lesión, mentres que o lateral esquerdo Orest Lebedenko será ausencia por decisión técnica.
Lebedenko tamén se perderá a derradeira xornada por ser convocado coa selección absoluta de Ucraína.
