Víctor Moreno, director deportivo de Club Deportivo Lugo, non continuará a vindeira tempada, segundo confirmou Tino Saqués, presidente do club. Moreno chegou ao equipo lucense o 18 de abril de 2017.

A falta de oficialidade, Víctor Moreno traballará no Deportivo Alavés. Terá unha función adxunta á dirección deportiva e coordinadora dos equipos cos que o Alavés mantén convenio no estranxeiro. 

Moreno afirmou que “é unha oportunidade” que lle “apetece aceptar”. “Si hai algo que realmente me doe é abandonar algo no que depositamos tanto esforzo e ilusión”, explicou. “Só teño verbas de agradecemento a todos os que conforman Club Deportivo Lugo que fan que todo sexa máis sinxelo. En especial, aos xogadores e corpo técnico”, engadiu.

Tino Saqués agradeceulle a súa “implicación, entrega e profesionalidade” e subliñou que foi “un activo importante”.

Foto de @CDeportivoLugo en Twitter.