![[Arquivo] Instantánea da muralla de Lugo entre a néboa | Europa Press](https://lugoxornal.gal/wp-content/uploads/2018/05/muralla_ep-696x465.jpg "muralla_ep")
EFE. O presidente da Asociación Provincial de Empresarios de Hostalaría de Lugo (APEHL), José Real, confirmou que a ocupación hostaleira roldou o 90% durante a Semana Santa nesta provincia e recoñeceu que o sector está a vivir “un momento moi bo”, grazas sobre todo ao turismo español.
En declaracións a EFE, Real recoñeceu que as expectativas se cumpriron”, en parte porque “o tempo axudou”, con “ausencia de precipitacións e boa temperatura” durante boa parte do período festivo.
“Aínda estamos a pechar os datos, pero creo que a ocupación subiu do 90%, especialmente en comarcas como A Mariña, a Ribeira Sacra, Lugo ou Ancares- Courel”. En canto á procedencia dos visitantes, lembrou que “o turismo nacional segue sendo moi importante”, aínda que tamén vai subindo, aos poucos, “o internacional”.
Con respecto á xente que vén doutros lugares de España, antes unha porcentaxe moi elevada “era de Barcelona e de Madrid”, pero agora estase ampliando” o abanico de lugares de orixe, coa chegada de turistas de “Mallorca, Canarias e Andalucía”.
“Estamos a vivir un momento moi bo”, insistiu Real, quen tampouco se esqueceu do enorme tirón de “os camiños a Santiago”.
