Unha muller de 76 anos que fora diagnosticada por coronavirus e que estaba ingresada no Hospital Universitario Lucus Augusti (HULA) faleceu este martes. Convértese na vítima número 28 da pandemia na provincia de Lugo tras case un mes sen rexistrarse falecementos por este motivo.
Esta septuaxenaria era a única paciente con COVID-19 que estaba a ser atendida na Unidade de Coidados Intensivos do hospital lucense. Presentaba patoloxías previas.
No conxunto galego, a cifra de vítimas mortais elévase a 617 tras a morte desta muller, segundo confirma a Consellería de Sanidade.
