Dende que o Hospital Xeral de Lugo quedou en desuso, A Residencia perdeu o seu dinamismo. Privado do núcleo sanitario, o barrio caeu nun progresivo abandono, en mantemento, en servizos, sen que as administracións aportaran alternativas de desenvolvemento.
Só o empuxe da veciñanza conseguiu arrincar da Xunta de Galicia o plan integral para o vello complexo hospitalario, e esa presión sostida no tempo salvou o proxecto de quedar postergado polo goberno galego.
É por isto que o barrio organízase a través da nova Plataforma Veciñal, para asegurar os compromisos da Xunta e que a lea política co Concello non arruine a oportunidade de revitalizar a zona. Mais tamén para visibilizar os problemas de suciedade e mal estado do mobiliario urbano, responsabilidade do executivo local.
Para mudar estas reivindicacións en realidades, a Plataforma Veciñal do Barrio da Residencia convoca a concentrarse o vindeiro 3 de outubro a carón do vello Xeral, ás 20.00 horas, na porta da antiga residencia.
Catro meses despois, a Xunta explica por que anulou os trámites da Residencia
