InicioDeportesNatxo Lezkano: "Vai haber un ambiente espectacular"

Natxo Lezkano: “Vai haber un ambiente espectacular”

O adestrador breoganista loubou as virtudes do Obradoiro e afirmou que o Breogán só contará coa novidade de Jerome Jordan

PUBLICADA O

- Advertisement -

Natxo Lezkano, adestrador de Cafés Candelas Breogán, compareceu en rolda de prensa previa antes do partido da sexta xornada da Liga Endesa contra Monbús Obradoiro C.A.B. este sábado 27 de outubro no Pazo dos Deportes de Lugo a partir das 18 horas.

Lezkano compareceu na Sala de Exposicións Capela de Santa María de Lugo, onde se presentou a iniciativa solidaria da Asociación Española Contra el Cáncer (AECC) para o vindeiro partido contra Obradoiro baixo o lema “Ergue a túa man” en apoio ás pesonas que sofren cancro de mama.

Quique Fraga, director deportivo do Breogán, afirmou que para o club “é un orgullo participar neste tipo de eventos”, “o cancro é, quizais, a principal lacra desta sociedade” e animou a que a xente vaia ao encontro e berren “ergue a túa man”.

Lezkano declarou que “xogarán os mesmos xogadores que xogaron onte máis Jerome Jordan”.

O adestrador breoganista explicou que “Obradoiro xoga diferente”, “atractivo”, “un rival que chega ben”, “xoga a un nivel moi alto”, “ten de todo” e conta “cunha rotación moi, moi longa”. Pronosticou que “é un equipo que vai loitar por entrar en playoff seguramente”.

Por outra banda, Lezkano adiantou que “vai haber un ambiente espectacular, vai ser unha festa do baloncesto”. “É un partido especial para os nosos seareiros e iso debe darnos máis empuxe”, comentou.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...