O Leche Río Breogán anunciou este sábado que presentará a solicitude dun Expediente de Regulación Temporal de Emprego ( ERTE) que afectará a xogadores, técnicos e empregados.

Nun comunicado, o club explica que o seu Consello de Administración procedeu a solicitar o ERTE “por causa de forza maior á vista da paralización completa das súas actividades”. O Breogán sinala que tomou a decisión tras a declaración do estado de alarma pola crise do coronavirus e “tendo en conta a suspensión temporal da liga LEB Ouro así como o peche das instalacións do Pazo dos Deportes por parte da Deputación Provincial de Lugo”.

Ademais, sostén que “na situación actual é a mellor maneira de garantir a continuidade do club e os seus empregados á espera de poder retomar as súas actividades deportivas e sociais”