InicioSociedadeA misa que trouxo unha estrada para os veciños de Momán

A misa que trouxo unha estrada para os veciños de Momán

"Hoxe estamos aquí para celebrar que cumprimos co que nos comprometemos e os veciños e veciñas teñen unha estrada renovada", asegura o rpesidente provincial.

PUBLICADA O

- Advertisement -

O presidente da Deputación de Lugo, José Tomé, participou este xoves na misa de celebración pola renovación e mellora da estrada LU-P-2204 que conecta a parroquia de Momán, en Xermade, coas Pontes de García Rodríguez, unhas obras acometidas pola institución provincial.

Tomé Roca quixo que o párroco que reivindicaba o arranxo desta estrada con cerimonias relixiosas, á súa chegada á presidencia da institución provincial, en agosto do 2019, oficiase agora outro rito para celebrar a mellora da vía, na que a Deputación investiu xa case un millón de euros.

“Cando cheguei á presidencia da Deputación, hai máis de dous anos, comprometinme co alcalde de Xermade para darlle unha solución a esta vía”, expuxo o presidente provincial, quen lembrou que o párroco celebraba unhas misas sobre a propia estrada para pedir as obras.

“E hoxe estamos aquí para celebrar que cumprimos co que nos comprometemos e os veciños e veciñas teñen unha estrada renovada”, asegurou Tomei, que explicou que, tras os proxectos executados, só queda un último tramo de pouco máis dun quilómetro para completar o acondicionamento integral da vía.

No acto, que se celebrou na Camposa de Mazandoi, o mandatario provincial estivo acompañado polo alcalde de Xermade e tamén deputado de Participación Cidadá, Roberto García, así como outros deputados provinciais e veciños e veciñas.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Falece un home en Vilalba tras saírse da vía co seu vehículo e chocar contra outros dous estacionados

Un home perdeu a vida tras saírse da vía co seu vehículo e chocar...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...