O presidente da Deputación de Lugo, José Tomé Roca, participou este martes na presentación do XXI Encontro Internacional de Torneiros da Madeira de Xermade, que se celebrará entre os días 17 e 19 de setembro.
A cita recupera a presencialidade tras celebrarse en 2020 en modalidade telemática, con demostracións en vivo, puntos de venda artesanais e con protocolo Covid adaptado á situación sanitaria.
Doutra banda, a Deputación apoia a proxección do Camiño de Santiago ao seu paso pola comarca de Sarria coa contratación dun guía turístico a partir dunha axuda económica, que atenderá no local do colectivo Amigos do Camiño de Santiago.
Así se recolle no convenio subscrito por Tomé Roca e o presidente desta asociación, Jorge López, que dispón dunha subvención de 3.000 euros para este fin.
