InicioSociedadeA Xunta intervén a residencia de Vilalba ao detectar 132 positivos

A Xunta intervén a residencia de Vilalba ao detectar 132 positivos

A Xunta de Galicia vén de intervir o centro para reforzar o persoal e trasladará a parte dos usuarios á residencia integrada de Santiago.

PUBLICADA O

- Advertisement -

A Xunta de Galicia vén de intervir a residencia de maiores de Vilalba ante a situación orixinada polo gromo de coronavirus. Se ben esta mañá se comunicaban trinta casos, Sanidade e Política Social notifican agora 132 positivos neste centro.

Nun comunicado remitido aos medios, a Xunta de Galicia informa de que se confirmaron 114 positivos entre os usuarios da residencia e outros 18 entre os traballadores.  Parte dos residentes contaxiados serán trasladados á residencia integrada posta en marcha no Cegadi, en Santiago de Compostela.

A medida de intervir o centro foi tomada para “reforzar o persoal e garantir a calidade asistencial”, segundo explican. “Un equipo da Consellería de Política Social e outro do Servizo Galego de Saúde están xa desprazados no centro para facer un seguimento permanente sobre a situación dos residentes, así como para vixiar a correcta aplicación das medidas de prevención, seguridade e hixiene fronte á covid-19 aprobadas pola Xunta de Galicia”, indican.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...