InicioSociedadeDetectado un gromo de trinta contaxios na residencia de Vilalba

Detectado un gromo de trinta contaxios na residencia de Vilalba

A Xunta procederá á intervención do centro. Os positivos foron rexistrados tras un cribado a conta do positivo dunha traballadora.

PUBLICADA O

- Advertisement -

Novo caso de gromo nunha residencia no territorio galego. A residencia de Vilalba detectou un total de 30 contaxios logo de realizar un cribado masivo polo positivo dunha traballadora. A Xunta intervirá o centro pola “delicada situación”, segundo fontes municipais.

O concello de Vilalba permanece en alerta vermella por incidencia de coronavirus e mantense baixo unha vixilancia especial por parte de Sanidade. Aínda así, de momento non se endureceron as restricións neste termo municipal.

O anuncio deste gromo chega nunha xornada en que Galicia, logo de máis de dez días de tendencia á baixa, volveu rexistrar unha repunta nos casos activos de Covid-19 das últimas 24 horas. Por outra banda, a comunidade galega segue a contar con máis de 100 ingresados por covid-19 nas Ucis das catro provincias.

Porén, no caso de Lugo, o coronavirus deu hoxe un leve respiro á provincia: menos contaxios e menos casos activos. Ademais, baixaron as hospitalizacións. Non obstante, estes datos deben ser analizados con cautela, pois a Consellería de Sanidade e o comité de expertos insisten en que a situación de Lugo segue sendo preocupante.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...