O presidente do PPdeG, Alberto Núñez Feijóo, destacou Vilalba como “prioridade máxima” para o Goberno galego e reivindicou o investimento realizado na localidade, como a posta en marcha da escola infantil e os máis de 60 millóns destinados aos sectores da agricultura e gandaría.
Durante unha visita ao municipio, Feijóo repasou algúns dos investimentos realizados no municipio, como a mellora do centro de saúde e do auditorio, os investimentos en saneamento e abastecemento e a posta en marcha da escola infantil, con 74 prazas novas.
Un dos puntos máis destacados foi o sector agrario, con máis de 60 millóns destinados a familias que se dedican a gandaría e agricultura.
“Estamos a ver como esta localidade está a converterse nunha das grandes capitais de España no sector lácteo“, incidiu, tanto polo impacto do leite que se recolle nesta zona como pola súa transformación en produtos elaborados.
