InicioSucesosEvacuada unha persoa ao HULA despois de envorcar co coche en Castro

Evacuada unha persoa ao HULA despois de envorcar co coche en Castro

Un aparatoso accidente deixa unha persoa hospitalizada, que se saíu da vía e terminou por envorcar en Castro, preto do termo municipal de Cospeito

PUBLICADA O

- Advertisement -

Un aparatoso accidente deixou unha persoa ferida en Castro. A vítima precisou de ser trasladada ao Hospital Universitario Lucus Augusti polo persoal do 061, para recibir asistencia polas feridas sufridas tras envorcar o coche que conducía.

A persoa involucrada circulaba pola estrada provincial CP-1611, a circunvalación que atravesa Castro no límite co termo municipal de Cospeito, e por desgraza saíu da vía no punto quilométrico 86, ao paso pola parroquia de Bendia, no lugar de Vilariño.

Foi ás 11.49 horas, segundo a consulta da axencia Efe ao Centro Integrado de Atención a Emerxencias de Galicia (CIAE) do 112, e o vehículo terminou por envorcar como consecuencia da manobra.

Mercé á chegada dos servizos de emerxencia, a vítima do accidente puido recibir primeiros auxilios no mesmo lugar, antes de ser evacuada na ambulancia medicalizada. O persoal sanitario do centro de saúde de Castro acompañou á persoa ferida ao HULA.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...