O Consello de Ministros autorizou este martes a modificación dos límites establecidos na Lei Xeral Orzamentaria para adquirir compromisos de gasto con cargo a futuros exercicios destinados ao aeródromo de Rozas, situado no municipio de Castro de Rei.
Esta reprogramación ten como fin posibilitar ao Instituto Nacional de Técnica Aeroespacial Esteban Terradas –organismo adscrito á Secretaría de Estado de Defensa do Ministerio– subscribir un convenio co Real Aeroclub de Lugo para a regulación das instalacións aeronáuticas do aeródromo de Rozas.
Estas instalacións albergan o Polo Aeroespacial de Galicia, que é un dos proxectos que busca captar fondos europeos de reconstrución Next Generation.
