Un caixeiro dentro da sucursal de Caixa Rural na localidade lucense de Castro de Ribeiras de Lea, no concello de Castro de Rei, rexistrou unha exploxión na madrugada deste xoves. A sucursal foi asaltada por un grupo de ladróns que trataron de rebentar con explosivos a caixa forte, aínda que os seus plans frustráronse e fóronse do lugar sen botín.

Así o indicaron fontes da compañía titular da sucursal consultadas por Europa Press, que limitan as perdas ás desfeitas causadas pola explosión, posto que a deflagración non abriu a caixa forte do caixeiro, o que impediu que os ladróns levasen diñeiro.

O suceso tivo lugar ao redor das 4,00 horas da madrugada na oficina situada no centro da localidade. As primeiras hipóteses apuntan a que “o caixeiro era o principal obxectivo dos atracadores“, apuntaron fontes da empresa a Europa Pres. Os investigadores das forzas da orde traballan para esclarecer cal foi o material usado na explosión.

A entidade bancaria informou que a oficina está pechada para proceder á súa reparación e poder reabrila “no menor prazo posible”.

Este suceso prodúcese un día despois de que rebentasen un caixeiro no municipio coruñés de Oza-Cesures. Ademais, na propia comarca da Terra Chá, ocorreron feitos similares como no veciño concello da Pastoriza, onde tamén fixeron explotar un caixeiro a principios de maio.