O seis temporeiros que deron positivo por COVID-19 en Castro de Rei están a pasar a enfermidade nun edificio distinto ao que compartían con outros traballadores e ao que se trasladaron, coa supervisión das autoridades sanitarias e os corpos de seguridade, tras coñecerse o seu resultado o pasado mércores.
O alcalde do municipio, Francisco Balado, explicou que agora se atopan noutro piso que tamén ten alugado a empresa para a que traballan e que a decisión do cambio tomouse para reducir os riscos de contaxio nun edificio no que convivían con outros temporeros que deran negativo.
A situación está “normalizada”, posto que o número de positivos segue sendo de seis, tras realizarse PCR a todo o persoal da empresa. Fontes da área sanitaria de Lugo indicaron este venres que se fixeron xa 315 probas por este brote. En concreto, estes traballadores contaxiados están nun inmoble no núcleo de Castro Ribeiras de Lea, onde seguen estando controlados polas autoridades sanitarias.
