O laboratorio de probas de voos que impulsa a empresa Boeing no Centro de Investigación Aerotransportada de Rozas (CIAR) en Castro de Rei foi posto en marcha este xoves.
No acto oficial con motivo do inicio do funcionamento das instalacións, o conselleiro de Economía, Emprego e Industria, Francisco Conde, fixo fincapé na contribución da multinacional para consolidar este centro como un referente en avións non tripulados dentro do Polo Aeroespacial de Galicia.
A infraestrutura forma parte do proxecto Galician Skyway, que busca solucións tecnolóxicas para a seguridade do tráfico aéreo non tripulado nos espazos que se comparten con aeronaves tradicionais.