- Advertisement -
Os servizos de Xestión Territorial da Deputación de Lugo reconstruirán a ponte sobre o río Miño que se encontra na estrada provincial LU-P-1104, en Castro de Rei. Para tal actuación, o ente provincial destina 50.000 euros.
Os traballos, que comezaron este luns, obrigan a cortar esta ponte ao tránsito de vehículos durante o tempo que duren as obras.
A Deputación terá debidamente sinalizados desvíos alternativos en diferentes lugares para minimizar os prexuízos aos usuarios desta vía, que comunica Cubelo co núcleo de Momán. Así, facilitarase a circulación pola estrada LU-113, nos puntos quilométricos 9,1 e 16,5; tamén na LU-113, no quilómetro; pola LU-P-1611 e ademais pola LU-120.
