InicioEconomíaA piscina municipal da Pastoriza abrirá "o vindeiro curso"

A piscina municipal da Pastoriza abrirá “o vindeiro curso”

Concello e Deputación fan realidade o convenio económico para a apertura definitiva das instalacións, unha década despois de adxudicar as obras

PUBLICADA O

- Advertisement -

Hai unha década que a obra da piscina municipal da Pastoriza foi adxudicada. Malia que estaba previsto que as instalacións comezaran a funcionar en 2013, unha serie de deficiencias retrasaron a apertura. A dotación económica para o convenio asinado entre o Concello e a Deputación de Lugo posibilitará que os veciños do municipio chairego poidan acceder “o vindeiro curso” a un servizo co que xa conta a cabeceira da comarca.

Tal e coma avanzou o presidente da institución provincial, Darío Campos, o acordo contempla unha achega da Deputación de 130.000 euros entre este ano e o que vén. Pola súa banda, a corporación da Pastoriza aportará outros 207.000 euros, tamén en dúas anualidades. Combinada, esta partida garantirá o funcionamento do centro deportivo e a piscina climatizada.

Campos explicou que “levamos tempo traballando da man do Concello para poder abrir estas instalacións e asegurar que os veciños da Pastoriza teñen a posibilidade de contar co servizo da piscina climatizada”. O presidente provincial asegurou que defenden “a igualdade de oportunidades de todos os veciños, sexa cal sexa o lugar onde viven, por iso somos unha Deputación social, rural e coas persoas”.

Froito dese traballo conxunto, Darío Campos e o rexedor Primitivo Iglesias asinaron un convenio de colaboración que permitirá a apertura do complexo deportivo a partir do próximo curso. A Pastoriza recibirá a obra e asumirá a titularidade da piscina. 

Con este acordo, a Deputación e o Concello logran poñer en servizo unha infraestrutura moi agardada polos veciños da Pastoriza, e que xa supuxo un investimento de 1,6 millóns de euros. O complexo dispón de piscina climatizada, zona de spa, de ximnasio e vestiarios, amais dun espazo con acceso exterior que poderá ser acondicionado como cafetería.

A zona de baño conta cun vaso de natación dividido en dúas áreas, unha delas de maior profundidade ten 3 calles de 25 metros; e a outra, de menor profundidade, acondicionada a modo de spa, na que se instalaron chorros lumbares e que está rodeada por un banco perimetral.

ÚLTIMAS

Penas de prisión inferiores a tres anos para os imputados na peza orixinal da ‘Operación Pokémon’

A Audiencia Provincial de Lugo acordou impor este luns penas de prisión inferiores ao tres anos...

Capturan nun edificio da rúa Río Navia un lagarto ocelado de 40 centímetros

Unha patrulla da Unidade Territorial de Policía de Barrio da Policía Local de Lugo rescatou esta...

A Policía Local de Lugo detén a un home acusado de agredir e reter á súa parella

A Policía Local de Lugo detivo este fin de semana a un home acusado...

Un Xulgado de Lugo rexeita que o Consorcio deba indemnizar aos bombeiros por contratar efectivos durante a folga de 2023

O Xulgado do Social número 4 de Lugo rexeitou, tal e como solicitaban o...