(EFE).- Efectivos do Parque de Bombeiros de Vilalba desprazáronse onte pola tarde a Guitiriz para abrir a porta dunha vivenda en cuxo interior quedou só un bebé, ao pecharse a porta do piso e deixar os pais as chaves dentro do inmoble.

Segundo informaron a EFE fontes do 112, este suceso produciuse ás 18:50 horas, nun inmoble situado na Avenida da Coruña, na localidade lucense de Guitiriz.

Inmediatamente, o Centro de Atención as Emerxencias de Galicia (CIAE) mobilizou á Policía Local, á Garda Civil, á agrupación de voluntarios de Protección Civil e aos Bombeiros de Vilalba.

Fontes dos bombeiros confirmáronlle a EFE que todo quedou nun susto, porque o neno, a pesar dos “nervios” dos seus familiares, estaba “perfectamente ben” e, de feito, atopábase durmindo cando lograron abrir a porta e acceder ao interior do inmoble.

Tamén indicaron que a intervención foi “fácil e rápida”, porque non foi preciso forzar a porta da vivenda.