- Advertisement -
Un home foi detido en Vilalba, como presunto autor de 25 delitos de danos en inmobles e vehículos, en diferentes puntos da provincia, segundo confirmaron fontes da Comandancia da Garda Civil.
Así, o home foi arrestado este martes e este xoves pasa a disposición do xulgado de Vilalba. A Garda Civil atribúelle danos en vehículos, aos que supostamente causou desferfectos, cortou válvulas de pneumáticos, cortou circuítos de dirección, de freos e de sistemas ABS, e rompeu espellos retrovisores.
Entre os vehículos danados hai un microbús escolar, que facía a chamada ruta de Muimenta. Fontes da investigación tamén confirmaron que o detido ten antecedentes por violencia de xénero.
