A Garda Civil detivo este venres a dous homes que residían temporalmente en Taboada por un suposto delito de roubo de cobre.

Segundo informa nun comunicado, os supostos autores do delito, de orixe romanesa, foron detidos despois de que na pasada xornada, ás 14.00 horas, axentes localizasen un furgón con matrícula portuguesa que transportaba 1.200 quilos de cables de cobre no seu interior.

Este material coincide cos 10 rolos de cable de cobre de diversos grosores que se atoparon o pasado 22 de xaneiro nas inmediacións de San Vitorio de Ribas-O Saviñao entre a maleza, o que levou á Garda Civil ha establecer un operativo especial de vixilancia.