Un veciño de Guntín, de 96 anos, está investigado, segundo informou a Garda Civil, como suposto autor dun delito de ameazas con arma curta de fogueo a facultativos médicos. Os feitos tiveron lugar o pasado mes de xaneiro no termo municipal de Guntín, cando, segundo o relato da Garda Civil, dous facultativos trasladáronse a unha vivenda da localidade para atender a unha paciente encamada.
Ao chegar ao domicilio, o investigado, familiar da enferma, recibiu na porta de entrada ao persoal sanitario cunha pistola na man, en aparencia real, proferindo ameazas verbais de diversa índole. O investigado negou ante os axentes que ameazase aos facultativos cunha pistola, atopándose a mesma nunha mesa próxima á entrada da vivenda, debaixo dunhas toallas, comprobando que se trata dunha arma de fogueo cunha bala na recámara. A arma foi intervida.
PERMISO DE ARMAS EN VIGOR
Así mesmo, observouse nun percheiro situado na cociña da vivenda unha escopeta de caza, procedendo á súa intervención “dada a situación de risco existente”. O ancián, que quedou a disposición xudicial, tiña permiso de armas en vigor.
