Un condutor resultou ferido este domingo tras saírse da vía o vehículo no que circulaba pola estrada LU-861, ao seu paso pola parroquia de Santaballa, no municipio lucense de Vilalba, e chocar contra unha casa.
Segundo informou o 112 Galicia, a central de emerxencias recibiu o aviso deste sinistro pouco despois das 20:00 horas. A consecuencia do impacto, o condutor quedou incosciente, aínda que liberado e accesible, tal e como confirmaron os Bombeiros de Vilalba á súa chegada ao momento.
Pola súa banda, o Servizo de Urxencias Sanitarias de Galicia-061 mobilizou ata o lugar o helicóptero medicalizado con base en Santiago para facilitar o traslado do ferido ao centro hospitalario de referencia. No operativo participaron tamén axentes da Garda Civil.
